Χρήστος Μωυσιάδης: Σοφοκλή για πέμε ποιος επήρεν το κύπελον η Αργεντινή γιόξα η Γαλλία γιατί εγώ είχα δουλείαν και κ’επόρεσα να ελέπα.
Σοφοκλής Εταιρίδης: Τάη επήρενα η Αργεντινή σα πέναλτι.
Χ.Μ. Μηδέν μηδέν έρθαν σον αγώναν ;;;;;.
Σ.Ε: Όχι 2-2 έρθαν σον αγώναν, επήγαν σην παράτασην και επεκεί σα πέναλτι.
Χ.Μ: Ποίος έβαλεν πρώτος γκόλ
Σ.Ε: Πρώτα έβαλεν η Αργεντινή με πέναλτι με τον Μέση και μετά έβαλαν έναν καλόν γκόλ, ξάν πάλι ο Μέση εδέκεν δεξιά σον εξτρέμ την μπάλαν και εκείνος εποίκεν πάσαν σάλ την μερέαν τη τερματί και όπως ερχούντον απ’οπίσ’ ο Ντί Μαρία επλάσαρεν και έντον το δύο μηδέν. Σο πρώτον το ημίχρονον τίποτα κ’εποίκεν η Γαλλία … επορπάτναν απέσ’ σο γήπεδον.
Χ.Μ: Σο δεύτερον το ημίχρονον πως ισοφάρισαν οι Γάλλοι;;;;.
Σ.Ε: Μέχρι το 70 λεπτόν τίποτα κ’εποίναν, μετά εκέρδισαν έναν πέναλτι και ο Εμπαπέ ο καλύτερονατουν παίχτης ετόκεν το πέναλτυ και έντονε το 2-1. Μέχρι να συνέρχουνταν οι Αργεντινοί ο Εμπαπέ ευρέθεν απέσ’ σην περιοχήν και με έναν σούτ δυνατόν εποίκεν το 2-2.
Χ.Μ: Α έτσ’ επείγαν σην παράτασην .. Σοφόκλη καλός παίχτης και ατός.
Σ.Ε: Ναί τάη, εγώ εφογόθα να μην χάν η Αργεντινή, αλλά σην παράτασην ξάν έταν καλύτεροι. Ο Μέση εποίκεν το 3-2, χά πε εσύ και σο τέλος τη παράτασης σε έναν σούτ του Εμπαπέ έντον πέναλτι. Ετόκενα ο καλόνατουν και επείκεν το 3-3.
Χ.Μ: Μό τον αφότιστον, ξάν ο καλάσατουν έβαλεν το γκόλ.
Σ.Ε: Ναί τάη ο Εμπαπέ έβαλενα με πέναλτι.
Χ.Μ: και αέτσ Σοφόκλη επείγαν σα πέναλτι.
Σ.Ε: Ατοίν οι μαύρ’ α σην Γαλλίαν κ’έχνε καλήν ψυχολογίαν και εχάσαν δύο πέναλτι, και επείρανα οι Αργεντινοί.
Χ.Μ: Σοφόκλη έντον καλόν παιχνίδ’ … πως εχάσατο, αχ ατέ η γαρήμ έφαέμε.